МПЦ-ОА - Струмичка Епархија »

  • Разумен проблем

    Posted 2021-01-24 17:03:14 by: Сард

    Разумен проблем (24.01.2021 16:58) Некои луѓе стварно имаат проблем со својот разум. Нивниот разум не е духовен. И, тоа е очигледно. Патем, едно е духовен, а сосем друго интелектуален разум; самите ќе разберете понатаму. Како настанува проблемот со разумот? Во денешното евангелие читаме: „Оттогаш почна Исус да проповеда и да говори: ’Покајте се, зашто се приближи Царството Небесно!‘“ (Матеј 4, 12–17). Покајанието, во суштина, е преумување; кога нашиот ум од горд, расеан и затемнет, во содејство со Божјата несоздадена благодат, се преобразува во смирен, собран и просветлен; како и кога се здобиваме со духовен разум. Рековме дека умот има една енергија со која врши две функции: примарна и секундарна. При примарната функција, умот ја насочува својата енергија кон Бог, а при секундарната функција ја носочува својата енергија кон созданието. Примарната функција на умот, човекот ја користи за комуникација – за однос и заедница со Бог. Секундарната, човекот ја користи за комуникација со тварта, со созданиjата. Секундарната функција на умот се нарекува разум. Секундарната функција на ...

    Comments: 0   View more...

  • Потсетник за Богојавление

    Posted 2021-01-24 05:06:02 by: Сард

    Потсетник за Богојавление (17.01.2021 17:42) На две вистини да се потсетиме. Прва, на Богојавление за првпат доаѓа до израз Тајната на новозаветното, царско и есхатолошко свештенство – во ликот и делото на свети Јован Крстител. Свети Јован Крстител не е носител на официјалното и институционално свештенство, но сепак Го крштева Господ. Токму преку Крштевањето на Христос, тој ја објави тајната и силата на новозаветното, царско и есхатолошко свештенство и крајот на старозаветното. Ова, ново свештенство, може секој крстен да го има. Достигањето на вториот степен од духовниот развој – просветлувањето на умот со дарот на умно-срдечната молитва, е внатрешно духовно покритие на Светата Тајна Свештенство, но тоа е и личен дар за нас во Црквата, дар на новозаветното, царско и есхатолошко свештенство, т.е. дар кој ќе нѐ краси и во Царството Небесно. Во суштина, Бог, Тајната на Домостројот на нашето Спасение во Црквата ја восовршува само преку оние кои се удостоиле да бидат носители на царското, новозаветно, внатрешно и есхатолошко свештенство, без оглед на тоа – дали го имаат и дарот ...

    Comments: 0   View more...

  • Божикно обраќање на Архиепископот Охридски и Македонски г.г. Стефан

    Posted 2021-01-21 05:04:05 by: Сард

    Божикно обраќање на Архиепископот Охридски и Македонски г.г. Стефан (06.01.2021 15:55) На овој спасоносен ден, Ветениот Месија, за Кого пророците пророкувале и праведниците Го очекувале, Синот Божји, Кој вечно се раѓа од Отецот, се родил во времето, слегол од небото на земјата придружен со песни на ангелите, дочекан од пастирите и даруван од мудреците. Денес Господ, заради нас луѓето, се понижил и го зел нашето тело, за да нè ослободи од ропството на гревот и смртта, за да ни дарува живот во вистината и радост која никој не може да ни ја одземе. Божјото човекољубие е причината што денес ликува сета вселена – славејќи го помирувањето меѓу Бога и човекот. А Синот Божји, доаѓајќи во човечко тело, како Богочовек, потврди дека Бог ги љуби светот и човекот. Зашто каде е љубовта, таму е и самиот Бог – оти Бог е љубов. Нашево, пак, време, е време кога особено се испитува нашата вера. Животот постанува сѐ потежок и понеизвесен. Во светот секојдневно има сѐ повеќе човечки трагедии и страдања; сè повеќе царуваат самољубието, бесчувствителноста, жестокоста, лицемерието, зависта, ...

    Comments: 0   View more...

  • Божикно послание

    Posted 2021-01-21 05:04:05 by: Сард

        † СТЕФАН, - ПО МИЛОСТА БОЖЈА, - АРХИЕПИСКОП - ОХРИДСКИ И МАКЕДОНСКИ, - ЗАЕДНО СО - СВЕТИОТ АРХИЈЕРЕЈСКИ СИНОД, - ПО ПОВОД БОЖИКНИТЕ ПРАЗНУВАЊА, - ИСПРАЌА МИР И БЛАГОСЛОВ ОД БОГА - ДО СВЕШТЕНОСЛУЖИТЕЛИТЕ, - ДО МОНАШТВОТО И ДО СИТЕ ЧЕДА НА - МАКЕДОНСКАТА ПРАВОСЛАВНА ЦРКВА – - ОХРИДСКА АРХИЕПИСКОПИЈА   И Словото стана тело и се всели во нас, - полно со благодат и вистина; - и ние ја видовме Неговата слава, - слава како на Единороден од Отецот.   Возљубени чеда во Господа, - Денес, на овој спасоносен ден, ликуваат ангелите и светиите на небесата, а ние верните се радуваме на земјата. Ветениот Месија, за Кого пророците пророкувале и праведниците Го очекувале, Синот Божји, Кој вечно се раѓа од Отецот, се родил во времето: слегол од небото на земјата придружен со песни на ангелите, дочекан од пастирите и даруван од мудреците. - Во спомен на тој спасоносен настан, еве, по милоста Божја, и ние чествуваме молитвено и серадосно, славословејќи со благодарни служби и со несекојдневно духовно расположение. Денес ...

    Comments: 0   View more...

  • Секој се самооправдува; има ли некој – да се покае?

    Posted 2021-01-21 05:04:05 by: Сард

    Секој се самооправдува; има ли некој – да се покае? (03.01.2021 16:57) Од денешното евангелие (Лука 18, 18–27) можеме да извлечеме неколку поуки. Страста што Лекарот на нашите души и тела ја посочува како пречка за очистување и просветлување на младичот е среброљубието: „Ако сакаш да бидеш совршен, оди, продај го имотот свој, раздели го на сиромаси и ќе имаш сокровиште на небото, па дојди и врви по Мене!“ Советот што Богочовекот Христос му го даде на младичот не е толку поради тоа што навистина очекуваше од него да го исполни повикот за совршенство, туку само за да го освести дека ги нема исполнето доволно ниту останатите заповеди што тој тврдеше дека ги запазил. Доколку навистина ги имаше исполнето заповедите, младичот ќе го беше поминал патот на очистување, ќе беше просветлен и, како и во некои други примери во Евангелието, ќе Го познаеше Господ во учителот (како што тој Го нарече) Исус и ќе имаше сила да тргне по Него. Затоа, неговите зборови „што ми е уште потребно за да имам живот вечен?“ (Матеј 19, 16) не се ништо друго, освен обично самооправдување и показател на високо мислење ...

    Comments: 0   View more...

  • Секој сака да е некој, никој не сака да расте

    Posted 2021-01-21 05:04:05 by: Сард

    Секој сака да е некој, никој не сака да расте (02.01.2021 10:54) Многу луѓе се незадоволни од одредени состојби. Тие состојби може лично да ги засегаат, а може да ја засегаат пошироката јавност, како и целото општество. Сите тие сакаат таквите состојби да се променат и мнозина од нив својата желба и јавно ја изразуваат; поединечно или организирано. Најчесто луѓето, посакувајќи ги тие промени, поаѓаат од најдобри намери; или барем мислат дека промената што ја посакуваат е добра. Тоа не мора да е точно, но во случајов, не е битно. Што е битно за да дојде до промена? Дали е битна мислата? Дали е битна молитвата? Дали е битна желбата? Дали е битен зборот? Сето ова е битно, но не е одлучувачко. Одлучувачки се делата. Делата им даваат сила и на мислата, и на молитвата, и на желбата, и на зборот. Дури и верата без дела е мртва. Некој убаво рекол: сите сакаат промени, но никој не сака да се промени; односно ретко кој сака себеси да се промени; а секоја промена почнува од себе. Е, сега, ако повеќето сакаат промени на подобро, а ретко кој сака себеси да се промени на подобро, тогаш како може да ...

    Comments: 0   View more...

  • Соопштение

    Posted 2021-01-21 05:04:05 by: Сард

    Соопштение (28.12.2020 13:01) Денес, понеделник, 28 декември 2020 година, во раните утрински часови, по долго боледување, се упокои во Господа Неговото Високопреосвештенство, Поранешниот митрополит Европски Горазд. Заупокоената Литургија и Опелото ќе се отслужат во храмот „Рождество на Пресвета Богородица“ во Скопје, со почеток од 9 часот. Вечното почивалиште на митрополитот ќе биде во манастирот „Св. пророк Илија“ — Чардак. Кратка биографија на Митрополитот Горазд (1936 – 2020) Неговото Високопреосвештенство Горазд (Димитровски) е роден на 21. 9. 1936 година во с. Стрезовци (Кумановско). На крштението го добил името Богољуб. Основно образование завршил во родното место, а потоа се запишал во Богословијата во манастирот Раковица кај Белград, која со успех ја завршил. Потем се запишал на Богословскиот факултет на Белградскиот универзитет, каде дипломирал во 1964 година. По дипломирањето дошол во Скопје и извесно време работел како службеник во Македонската Архиепископија. По ракополагањето во презвитерски чин, бил поставен за  парохиски свештеник ...

    Comments: 0   View more...

  • Како договорени

    Posted 2021-01-21 05:04:05 by: Сард

    ·  од историјата на МПЦ - ·   - ·   - ·  - ·  -    ·   -    ·   -    ·   -    ·   -    ·   -    ·   -    ·   -       ·   -       ·   -       ·   -       ·   -       ·  ·  Православни линкови ·   За постот -     ·   - ·   Светата причест -     ·  За светите тајни - ·  За исповедта - ·  За духовниот отец - ·  За духовното раководење ·   Издадени книги - ·   Исцрпени изданија - ·   Списание Премин - ·   Монашки ракоделија ·   - ·   - ·   Цркви, манастири - ·      ·   ...

    Comments: 0   View more...

  • Соопштение од Светиот архиерејски синод на Македонската Православна Црква — Охридска Архиепископија

    Posted 2021-01-21 05:04:05 by: Сард

    Соопштение од Светиот архиерејски синод на Македонската Православна Црква — Охридска Архиепископија (24.12.2020 12:25) Светиот архиерејски синод на Македонската Православна Црква — Охридска Архиепископија, во духот на препораките добиени од страна на Министерството за здравство до верските заедници, препорачува претстојните празници да се прославуваат со одговорност кон јавното здравје, да се почитуваат епидемиолошките здравствени мерки, па Божикните и Богојавленските празници да се прославуваат без нарушување на законските нормативи за јавни собири, определени од Владата. Тоа подразбира верниците во храмовите да носат маски, да одржуваат пристојно меѓусебно растојание, а богојавленското осветување на водите во 2021 година да се одржи во кругот на храмовите. Запазувајќи ги овие мерки, како Црква ќе придонесеме за зачувување на општото здравје на нашиот народ, во овие тешки времиња кога целиот свет е исправен пред предизвикот да се избори против опасниот вирус.                                                 Од Канцеларијата на САС на МПЦ — ОА ...

    Comments: 0   View more...

  • Светилникот на нашето време

    Posted 2021-01-21 05:04:04 by: Сард

    Светилникот на нашето време (11.01.2021 20:10) Отец Гаврил, од Лесновскиот манастир, беше голема утеха за малкуте вистински христијански заедници (христијани со свој духовен отец, со правило за духовен подвиг, кои редовно постеа, се исповедаа и се причестуваа), кои во тоа време, од 1983 до 1987 година (годините што ги поминавме заедно), во Р. Македонија беа распрснати како мали оази за спас во пустината на атеизмот и христијанскиот номинализам (христијанство само по име). Колку што се сеќавам, такви заедници постоеjа во Скопје, Прилеп, Струмица и во Тетово. Ако некого сум изоставил, нека ми прости. Со напишаново сакам да ви пренесам некои совети и моменти од нашиот заеднички живот со отец Гаврил во Лесновскиот манастир, како и од неговите ретки посети во Скопје. Бог во секое време им испраќа на Своите луѓе утеха, како што и нам ни беше отец Гаврил во тоа време. Секое време си носи свои тешкотии при исполнувањето на Божјите заповеди и при ширењето на словото на вистината, но и свои олеснувања. Не би навлегувал во споредба на тогашните и сегашните услови, но едно е сигурно ...

    Comments: 0   View more...

  • Копнеж – духовно да се прогледа

    Posted 2021-01-21 05:04:04 by: Сард

    Копнеж – духовно да се прогледа (10.01.2021 16:58) Во денешното евангелие (Лука 18, 35–43), слепиот повикува кон Господ Христос: „Исусе, Сине Давидов, помилуј ме“. Оваа состојба го покажува првиот степен од духовниот раст – чистењето на срцето од страстите. За овој степен од духовниот развој се карактеристични усно-умствената молитва и очистувањето на енергијата на умот; но, исто така, и непристапноста на срцето за умот и непросветленоста, т.е. духовното слепило. Кај слепиот ја забележуваме не само упорноста во усната молитва, туку и свеста дека е слеп и потребата да се ослободи од таа слепост. Има луѓе кои немаат свесност дека се духовно слепи и тие ги гледаат работите согласно своите страсти – што, според Господ, е полошо и од слепило (Матеј 5, 29). И, како со копнеж ќе повикаш кон Господа да ти ги отвори духовните очи ако си мислиш дека веќе духовно си прогледал? Ваквата прелест покажува безверие и неспремност за духовен подвиг. А секој подвиг си бара време. Слепиот верува дека Господ Исус може да го исцели и затоа никој, и покрај забраните, не може да го спречи неговиот молитвен ...

    Comments: 0   View more...